Alternate Text
Alternate Text

Əkinə yararlı torpaq sahələrinin idarəetmə sistemi artıq naviqator-xəritə vasitəsilə tənzimlənir

Alternate Text

Son zamanlar aqrar sahəyə dövlət tərəfindən böyük dəstək və aparılmış çoxsaylı aqrar islahatlar nəticəsində torpaq sahələri əkin dövriyyəsinə daha çox cəlb olunmuşdur. Əkinə yararlı torpaq sahələrinin geniş yayılması sahibkarlığın inkişafına səbəb olmuşdur.

Azərbaycanın kənd təsərrüfatında bitkiçilik heyvandarlığa nisbətən daha çox inkişafdadır. Kənd təsərrüfatı məhsullarının 61%-i bitkiçiliyin, 39%-i isə heyvandarlığın payına düşür.

Ölkənin kənd təsərrüfatı üzrə tam ixtisaslaşmış sahələri - pambıqçılıq, meyvəçilik, üzümçülük, tərəvəzçilik, tütünçülükdür. 

Kənd təsərrüfatında məhsuldarlığı, gəlirləri artırmaq, daha sürətli inkişafı təmin etmək məqsədilə bir sıra innovativ metodlardan istifadə olunmağa başlanmışdır. 

Əkin sahələrinin idarə edilməsi üzrə zəruri kartoqrafik məlumatların operativ təhlili üçün torpaq sahələrinin xəritələşdirilməsi və eyni zamanda da, rəqəmsallaşdırılmasına ehtiyac yaranır, bu da müvafiq proqram təminatı tələb edir. 

“U and R Company” şirkəti 1C proqram təminatı platformasında torpaq sahələri üzrə koordinatların relyef xəritəsi üzərindən müşahidəsi və nəzarəti işini daha əlçatan etmək məqsədilə bir çox imkanlar təklif edir.

URC-nin bu dəfə təklif etdiyi 1C proqram məhsulundan istifadə etməklə kənd təsərrüfatı təyinatlı torpaq sahələrinin uçot işini tam olaraq avtomatlaşdırmaq mümkündür. Prosesin avtomatlaşdırılması əkin sahələri üzrə məhsulların keyfiyyətinə nəzarəti gücləndirməyə, əsassız xərcləri aradan qaldırmağa, istehsal həcmini və əlbəttə ki, şirkətin ümumi mənfəətini artırmağa imkan verəcəkdir. 

1C proqramı üzrə tətbiq olunan bu metodun üstünlükləri nələrdir :

  • torpaq sahəsinin idarə olunması və ona nəzarət;
  • məlumatlara sürətli keçid;
  • məhsul bazasına daimi nəzarət;
  • vaxt rejimini səmərəli tənzimləmə;
  • ümumi işin icrasının təhlili və qiymətləndirilməsi;
  • biznesin cari vəziyyətinin doğru analiz olunması.      

Tətbiqin köməyi ilə kənd təsərrüfatı sahəsi üzrə fəaliyyətinizi sürətləndirə, aqrar sahə ilə bağlı həyata keçirdiyiniz bütün hesablama və ödəniş əməliyyatlarına nəzarəti asanlaşdıra bilərsiniz. Bəzən əmlak sahibinin əkin üçün satın almış olduğu bağ sahəsinin yerləşdiyi ərazi dövlət reyestrindən çıxarış sənədində göstərilmiş ərazi ilə üst-üstə düşmür. Məhz belə uyğunsuzluqları öncədən müəyyənləşdirib, lazımi tədbirlər görərək bu halların qarşısını almaq üçün bu proqram metodu çox əhəmiyyətlidir. Özündə peyk rejimi ilə görüntünü dəstəkləyən bu üsul ilə bənzər hallardan sığortalanmaq mümkündür.

Naviqator-xəritə üsulu ilə işləyən bu metod lazımi məlumatlara 1 kliklə keçidi təmin edir :

  • torpaq sahəsinin yerləşdiyi ərazi;
  • ümumi sahəsi;
  • suvarma sisteminin olub-olmaması;
  • ağac sahəsi üzrə göstərici;   
  • bazar dəyəri;
  • gəlirlilik, məhsuldarlıq əmsalı;
  • dövlət reyestrində qeydiyyata alınmış sənədlər üzrə məlumat;
  • aparılmış əməliyyatlar üzrə istənilən sənədin çap versiyasını asanlıqla əldə edə bilmə fürsəti. 

 

 

14.04.2022

Digər xəbərlər
Alternate Text
“URC” şirkəti “Bravo Supermarket” şəbəkəsi üçün Təchizatçı portalı sistemini tətbiq etdi
10.05.2022
Alternate Text
Elektron qaimə üçün vergilər sisteminə keçidə ehtiyac qalmadı
03.05.2022
Alternate Text
Əmlakın idarə olunmasına nəzarət 1 klik qədər asanlaşdı
13.04.2022
Alternate Text
HR monitorinq (İnsan resurslarını idarəetmə) paneli artıq mobil cihazınızda
20.12.2021