İnsan resursları sahəsi 19-cu əsrdə Avropada formalaşmağa başlamış, sənaye inqilabı zamanı Robert Ouen (1771-1858) və Çarlz Babbicin (1791-1871) sadə ideyaları əsasında meydana gəlmişdir. Onlar bir təşkilatın uğuru işində insanların nə qədər həlledici rol oynadıqları qənaətinə gəlmişlər. Onların fikrincə, hər hansı bir təşkilat sağlam işçi qüvvəsi olmadan "ayaqda" dura bilməz.
İnsan resursları sahəsi xüsusi bir sahə kimi 20-ci əsrin əvvəllərində Frederik Uinslou Teylorun (1856-1915) təsiri ilə meydana çıxmışdır.
İnsan resurslarının idarə edilməsi - işəgötürənin strateji hədəflərə nail olması yolunda işçilərin əmək məhsuldarlığının artırılması məqsədini güdür. Bu sahə istənilən bir qurumun əsasını təşkil edir və elə bir həlledici sahə sayılır ki, onun təsiri ilə şirkət qurula da, məhv edilə də bilər.
Günümüzdə texnologiyanın inkişafı İnsan resursları sahəsinə də öz əhəmiyyətli təsirini göstərir. Texnologiyadan istifadə iş yerlərində məlumatı daha əlçatan edir, inzibati tapşırıqların həllinə ayrılmış vaxtı azaldır, şirkətlərə qlobal miqyasda fəaliyyət göstərməyə imkan verir və xərcləri azaldır. Proqramlar, xüsusilə də mobil cihazlarda dəstəklənən proqramlar müxtəlif sahələrdə bir çox əməliyyatları asanlaşdırır.
HR monitorinq proqram təminatının işlənib hazırlanması, üstəlik də mobil cihazlarda dəstəklənməsi, xüsusi əhəmiyyətə malikdir. Belə ki, masaüstü kompyuter və ya noutbuklar iş prosesinin ayrılmaz hissəsi olsa da, onlar daha çox maraq obyektinə çevrilmiş mobil cihazlarla müqayisədə geridə qalır.
Müasir dövrün insanı artıq öz smartfonu ilə bütün iş prosesini yaxından izləyə, onu idarə edə bilir. Mobil texnologiya, sözün həqiqi mənasında, həyatımızı öz təsiri altına alıb. Dünya əhalisinin 90%-dən çoxunun smartfonu var və bu cihazlar gün ərzində ən çox müraciət olunan cihazlardır.
Bu gün “U&R Company”nin təklif etdiyi yeni proqram təminatı insan resurslarına nəzarət işində rahatlıq, məhsuldarlıq, dəqiqlik, sürət imkanı yaradır. Təklif olunan, mobil cihazlar vasitəsilə istifadəsi mümkün olan bu proqram metodu HR ofisinə baş çəkmə, zəng etmə və ya e-poçt göndərmə məcburiyyətində qalmadan kadr heyəti üzrə məlumatları görməyə imkan verir. Bu, inanılmaz dərəcədə rahat, eyni zamanda, etiraf etmək lazımdır ki, alternativ HR metodlarından daha sürətli və daha dəqiqdir. Mobil cihazlarda dəstəklənə bilən xüsusi proqram təminatı istənilən məkandan istənilən zaman iş prosesinə, onun əsas daşıyıcı qüvvəsi olan kadr heyətinə daim nəzarəti təmin edir.
Sözü gedən HR Monitorinq idarəetmə paneli aşağıdakı məlumatları özündə cəmləyən kateqoriyalar üzrə qruplaşdırılıb: aylar üzrə işçi sayı (işə qəbul/işdən azad olunmalar), dövriyyə (əvvəlki dövrdə işdən azad olan işçilərin sayı və yaxud faizi), təhsil, keçirilmiş təlimlər, gross və net əmək haqqı, kompensasiya, yaş bölgüsü, qadın və kişi bölgüsü üzrə departmentdə say göstəricisi, dərəcə artımı, davamiyyət (işçi siyahısından istənilən bir işçi üzərinə klikləməklə ona aid fotonu əyani surətdə görmə, onun vəzifəsi, yer aldığı şöbə, işə qəbul tarixi, gündəlik olaraq işə gəlmə və getmə saatları, artıq işlənmiş saatlar (overtime), gecikmələr, xəstəlik və işdə iştirak etməmə halları, ezamiyyət, məzuniyyət günlərinin sayı və digər məlumatlara göz atma imkanı) və b.
Proqram təminatında məlumatlar həm siyahı, həm də diaqramlar şəklində görüntülənməkdədir. İdarəetmə panelinin üst hissəsindən lazımi tarixi “+” və “-” işarələrindən istifadə etməklə dəyişmək, “Yenilə” düyməsi ilə insan resursları departamenti üzrə yenilənən bütün məlumatları görmək, eyni zamanda, istəyə uyğun olaraq panel görüntüsünü və ya ordakı məlumatları tənzimləmək mümkündür.
Bir sistemin işləməsi onun düzgün qurulduğu anlamına gəlirmi? — URC mütəxəssislərindən təhlil
İnformasiya texnologiyaları və biznes proseslərinin avtomatlaşdırılması sahəsində ixtisaslaşan "U and R Company" komandası illər ərzində icra etdiyi irimiqyaslı ERP layihələrinə əsaslanaraq mühüm bir məqama diqqət çəkir: sistemin hazırda problemsiz görünməsi onun arxitekturasının düzgün qurulmasına hər zaman zəmanət vermir.
İlk baxışdan mənzərə tam qaydasında ola bilər:
Sənəd dövriyyəsi fasiləsiz icra olunur;
Hesabatlar vaxtında nəticə verir;
İnteqrasiyalar məlumatı ötürür;
İstifadəçilər gündəlik əməliyyatlarını həyata keçirirlər.
Lakin şirkətin ekspertləri bildirirlər ki, sistemin əsl keyfiyyəti və dayanıqlılığı biznesdə dəyişiklik zərurəti yarandıqda üzə çıxır.
Biznesin yeni bir tələbini sistemə daxil etmək istədikdə məlum olur ki, sadəcə bir xananı dəyişmək üçün bir-biri ilə əlaqəli bir neçə mexanizmə toxunmaq lazımdır. Zəncirvari asılılıqların kökünə endikdə isə çox vaxt məlum olur ki, səbəb vaxtilə bir neçə saata qənaət etmək üçün verilmiş tələsik texniki qərardır. Həmin qərar bu gün ən kiçik dəyişiklik üçün şirkətdən günlərlə əlavə resurs və zəhmət tələb edir.
URC mühəndislərinin ERP layihələrindən çıxardığı əsas nəticə budur: Yaxşı həll yalnız bu gün işləyən həll deyil. Sabah biznes prosesi dəyişəndə sistemin buna necə uyğunlaşacağı da arxitekturanın ayrılmaz tərkib hissəsidir.
Məhz buna görə URC komandası yeni bir sifariş aldıqda ilk olaraq "Bunu necə kodlaşdıraq?" deyil, "Bunu ümumiyyətlə proqramlaşdırmaq lazımdırmı?" sualı üzərində dayanır:
Bəzən ən optimal çıxış yolu yeni kod olur;
Bəzən mövcud funksionallığın düzgün konfiqurasiyası kifayət edir;
Bəzən biznes prosesində kiçik dəyişiklik problemi həll edir;
Bəzən isə sistemə heç bir texniki müdaxilə etməmək ən yaxşı seçim olur.
Ekspertlərə görə, peşəkarlığın gətirdiyi əsas üstünlük daha çox həll yaza bilmək deyil, lazımsız və gələcəkdə risk daşıyan texniki həlləri vaxtında görərək sistemin çevikliyini qorumaqdır.
“U&R Company” və “Group Motors” arasında “1C:ERP” layihəsinə start verildi
Biznes proseslərinin rəqəmsallaşdırılması və miqyaslanması istiqamətində daha bir mühüm tərəfdaşlığa imza atıldı.
“U&R Company” ölkənin aparıcı şirkətlərindən biri olan “Group Motors” ilə yeni layihə çərçivəsində əməkdaşlığa başladığını elan edir. Layihənin əsas məqsədi şirkətin bütün biznes və əməliyyat proseslərini vahid, müasir platformada birləşdirəcək “1C:ERP” proqram təminatının tətbiqidir.
Layihə çərçivəsində aşağıdakı modulların tətbiqi nəzərdə tutulur:
Satınalma və anbar uçotu
Pul vəsaitlərinin idarə edilməsi
Əsas vəsaitlərin idarə olunması
Mühasibat əməliyyatlarının idarə olunması
Vergi uçotu
Satış əməliyyatlarının idarə olunması
İR idarə olunması və əməkhaqqının hesablanması
Rəhbərlik paneli və idarəetmə hesabatlılığı
Büdcə planlaması və nəzarət
Sistemin tam tətbiqi “Group Motors” şirkətinin əməliyyat səmərəliliyinin artırılmasına, resurslara mərkəzləşdirilmiş nəzarətin təmin olunmasına və strateji qərarların operativ qəbul edilməsinə birbaşa dəstək göstərəcəkdir.
“U&R Company” komandası olaraq göstərdikləri etimada görə “Group Motors” rəhbərliyinə təşəkkür edir, layihənin hər iki tərəf üçün məhsuldar və uğurlu olmasını arzulayırıq.
U&R Company uyğunsuzluq məktublarının qarşısını almaq üçün ağıllı yoxlama sistemini təqdim edir
Vergi bəyannamələrinin hazırlanması zamanı məlumatların düzgünlüyü və hesabatlararası uyğunluq maliyyə idarəçiliyində mühüm rol oynayır. Uyğunsuzluqların vaxtında aşkar edilməməsi isə əlavə yoxlamalara, vaxt itkisinə və düzəliş proseslərinin uzanmasına səbəb ola bilər.
yoUR Company tərəfindən təqdim olunan ağıllı yoxlama sistemi bəyannamə göndərilməzdən əvvəl müvafiq məlumatları avtomatik şəkildə üzləşdirərək mümkün uyğunsuzluqları əvvəlcədən müəyyən etməyə imkan verir.
Sistem aşağıdakı məlumatları yoxlayır:
Əgər hesablanmış məbləğlərdə uyğunsuzluq və ya əvvəlki dövrlə müqayisədə fərqlər yaranarsa, sistem bu məlumatları kontragentlər üzrə sətirbəsətir ekranda əks etdirir. Bu yanaşma istifadəçilərə səhvləri daha tez müəyyən etməyə və yoxlama prosesini daha effektiv idarə etməyə kömək edir.
Bununla yanaşı, sistemdə yer alan xüsusi “Tövsiyə” bölməsi diqqəti birbaşa yoxlanılmalı sənədlərə yönəldir və istifadəçiyə növbəti addımlar üzrə düzgün istiqamət göstərir.
Bu həll maliyyə və mühasibatlıq proseslərində şəffaflığı artırmaq, hesabatların hazırlanmasını optimallaşdırmaq və uyğunsuzluqların qarşısını almaq üçün effektiv dəstək mexanizmi təqdim edir.
yoUR Company ilə gələcəyin maliyyə idarəçiliyinə keçid edin.